Peşələr festivalının növbəti dayanacağı Mingəçevir şəhəri olub » devlet.info.az
Xəbərlər



Peşələr festivalının növbəti dayanacağı Mingəçevir şəhəri olub
Peşələr festivalının növbəti dayanacağı Mingəçevir şəhəri olub

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən ölkəmizdə ilk dəfə keçirilən Peşələr festivalının növbəti dayanacağı Mingəçevir şəhəri olub.

Festivalda Dövlət Məşğulluq Agentliyin İdarə Heyətinin sədri Mustafa Abbasbəyli, Mingəçevir Şəhər İcra Hakimiyyətinin başçısı İlham İsmayılov, dövlət və özəl qurumların nümayəndələri, yerli ekspertlər, işəgötürənlər, tələbə və gənclər iştirak ediblər.
Tədbirdə yeniyetmə və gənclərin müasir əmək bazarı barədə məlumatlılığının və peşələrə marağının artırılmasında, əmək bazarının tələblərinə uyğun peşə seçimində festivalın rolu yüksək qiymətləndirilib.

Bildirilib ki, ölkənin 10 rayon və şəhərində “Öyrən, Əylən, Peşəni seç” devizi ilə, müxtəlif peşələr üzrə ekspertlərin iştirakı ilə keçiriləcək festivalda iştirakçılar peşələr üzrə hansı bacarıqların tələb olunduğunu öyrənəcəklər.

Daha sonra qonaqlar festivalda təqdim olunan peşələrin stendləri ilə tanış olub, ekspertlərlə söhbət ediblər.

Növbəti festival mayın 30-da Bərdədə keçiriləcək. Festivalda iştirak ödənişsizdir.
Baxış sayı: 20