Bu gün 04fevral 2023 cü il tarixində rayon İcra Hakimiyyətinin təşkilatçılığı ilə Göyçay çayının sahilində yeni yaşıllıq sahəsinin salınması məqsədi ilə ağacəkmə aksiyası keçirilmişdir.
Aksiyada Göyçay Rayon İcra Hakimiyyətinin başçısı Natiq Ağayev, RİHB AP nın əməkdaşları, YAP Göyçay rayon təşkilatının sədri Sahib Şükürov, təşkilatın əməkdaşları və fəalları, idarə, müəssisə, təşkilatların əməkdaşları, könüllülər, rayon sakinləri, KİV nümayəndələri və Qarabağ müharibəsinin qaziləri iştirak edirdilər.
Rayon İcra Hakimiyyəti tərəfindən əvvəlcədən ərazidə əkiləcək ağacların yerləri müəyyənləşdirilərək çalalar qazılmış və digər zəruri hazırlıq işləri görülmüşdür.
Səhər saatlarından başlanan ağacəkmə kampaniyası çərçivəsində 1000 ədəd pavlonya ağacı əkilib.
