Türkiyədə baş verən zəlzələnin episentri Kahramanmaraşda olub.
Bunu Azərbaycan Milli Elmlər Akademiyasının nəzdində Respublika Seysmoloji Xidmət Mərkəzinin baş direktoru Qurban Yetirmişli bu gün keçirilən mətbuat konfransında deyib.
O bildirib ki, zəlzələ 9 dəqiqədən çox davam edib. Muradlı ərazisində başlanandan sonra İslamiyyədə davam edib. 8-15 kilometr dərinlikdə baş verib.
Xatırladaq ki, bu gün Türkiyənin müxtəlif bölgələrində 7.4 bal gücündə zəlzələ olub. İndiyədək zəlzələ nəticəsində ölənlərin sayı 280 nəfəri keçib. 2323 nəfər yaralı var. 1700-dən çox bina dağılıb.
