20 noyabr 2022 ci ildə Bakı-Şamaxı-Yevlax yolunun Göyçay rayonun Bığır kəndindən keçən hissəsində ağır yol qəzası keçirən və ötən gün 26 noyabr 2022 ci ildə müalicə olunduğu xəstəxanada həkimlərin səyinə baxmayaraq vəfat edən “Göyçay” qəzetinin baş redaktoru Abdulla Əliyev I-ci Qarabağ müharibəsində şəhid olan Vüqar Əliyevin qardaşıdır.
Qeyd edək ki, şəhid Vüqar Əliyev 1968-ci ildə Göyçayda anadan olub. Orta məktəbi bitirdikdən sonra Azərbaycan Neft Akademiyasına qəbul olub. II kursda oxuyarkən hərbi xidmətə çağırılıb.Hərbi xidmətini Novqorod və Krasnodar şəhərində yerinə yetirib.
Vüqar Əliyev 1992-ci ilin iyununda ailəsinə xəbər vermədən könüllü cəbhəyə yollanıb.Oktyabrın 14-də Ağdərə istiqamətində gedən döyüşlərdə qəhrəmancasına şəhid olub.Göyçay Şəhidlər Xiyabanında dəfn edilib.
